كيكة شوكولاته خالية من الجلوتين من الكيكات التي كثر البحث عنها وعن طريقة عملها نظرا لكثرة الناس الذين يعانون من حساسية الجلوتين الذي يسبب مشاكل في القالون ويعمل على الانتفاخ وفي ما يلي طريقة تحضير هذا الكيك بكل اسراه والف صحة وعافية .
جدول المحتويات
طريقة عمل كيكة شوكولاته خالية من الجلوتين
مكونات كيكة شوكولاته خالية من الجلوتين
- 4 بيض مفصول الصفار عن البياض.
- ملعقة كبيرة فانيلا.
- نصف كوب زيت ذرة.
- برش برتقالة او ليمونة.
- ملعقة كبيرة بيكنج باودر.
- كوب سكر.
- كوب طحين رز ناعم جدا.
- نصف كوب نشا الذرة.
- ملعقتين كاكاو مذوب مع قليل من الماء.
اقرأي أيضا..خبز خالي من الجلوتين مناسب لمن يعاون من الحساسية سهل التحضير
طريقة تحضير كيكة شوكولاته خالية من الجلوتين
تحضير خليط الكيك
- اول شيء بنفصل بياض البيض عن الصفار وهالخطوة تقريبا اساسية في الكيكات الخاليه من الجلوتين عشان تعطينا ارتفاع للكيكة كونها بدقيق الأرز وهوه ثقيل مش زي دقيق القمح خفيف.
- من ثم بنفصل الصفار وبنضيفله فانيلا وبرش برتقالة او ليمونة وزيت الذرة وبنخفقه بالمضرب اليدوي وبنتركه عجنب.
- بعد ذلك بنخفق البياض مع رشة ملح لحتى يصير ابيض ويرتفع شوي بنبدأ نضيف السكر تدريجيا رشات اثناء الخفق إلى أن يجمد ويصير زي الكريما متماسك.
- بعد ذلك بنضيف خليط الصفار للبياض وبنخفق شوي بس يمتزجوا وبنستغني هون عن مضرب الكهرباء.
- من ثم بنخلط دقيق الارز مع النشا والبيكنج باودر وبننخلهم فوق خليط البيض بالتدريج .
- و من ثم بنقلب من تحت لفوق بخفة لحتى يختفي كل الطحين.
- بعد ذلك بنذوب كمية الكاكاو بشوية ماء وبنخلطه وبنضيف عليه ثلث كمية خليط الكيك وبنقلب من تحت لفوق.
- من ثم بنفرغ خليط الكيك الابيض بالقالب المبطن بزيت ودقيق ارز وفوقه الخليط البني وبنحركهم بعود خشب بشكل دوائر عالخفيف.
الخبز
- زي الكيك العادي بندخل الكيك فرن محمي على 180 مدة نصف ساعة ل 35 دقيقة وبنختبره بعود خشب.
- ملاحظة:كبري القالب شوي انا اضطريت استخدم هذا القالب وضليت على اعصابي انه يسيح منه الكيك بس الحمدلله ما ساح بس لو كان القالب اكبر بنفخ اكثر من هيك.
صوص الشوكولاتة
- استخدمي صوص بديل النوتيلا موجوده طريقته بملفي بالتفصيل . وبندهن فيه الكيكة بعد ما تبرد وبنعبي الفراغ يلي بنص القالب كمان بيعطي غنى للوصفة .
للتزيين
- زيني حسب ذوقك انا استخدمت الشوكولا البيضاء المبروشة وحبات لوز وحبات شوكولا جاهزة خاليه من الجلوتين طبعاً.
الطعم
- طعم الكيكة ما بيفرق عن الكيك العادي وهشة وممتازة نتيجتها رائعة وضلت 3 ايام وحافظت على طراوتها بفضل الله، وصحة وهنا.
